Ylfa Mist Helgadóttir

5.5.2007 | 17:52

Sjöveðradagur í Reykjavík.

Það er ekkert á veðrið hér að stóla. Eftir hitabylgjuna sem hefur legið yfir Vestfjörðum undanfarna viku lentum við Valrún hér í rigningu og skítakulda. Það er aldrei eins veður frá klukustund til klukkustundar. Rigning, sól og vindur. Mest rigning samt. Ég fékk að sjá segulómunartæki að innan í dag. Í einn og hálfan tíma. Það var fremur leiðinlegt. Maður má ekkert hreyfa sig. En það hefur nú aldrei verið mín sterkasta þörf að hreyfa mig hvort eð er svo að þetta var allt í lagi.

(framhald á bloggfærslu sem ég byrjaði á sl fimmtudag) Ég fékk líka að sjá vinnustofuna hennar Söru frænku. Og ég fékk líka að sjá bumbuna á "stjúpu" minni. En eins og vitað er mun ég fljótt eignast lítin bróður. Ég fæ að vera viðstödd fæðinguna svo að ég þarf líklega að bruna suður mjög fljótlega aftur.

En ég er semsagt komin heim aftur. Við Valrún gistum á Hólmavík í nótt hjá Jóa sæta frænda hennar. Við höfum gist þar áður og fáum svo mikla þjónustu hjá þessum yndislega manni að maður er hreinlega tilneyddur til að kúra hjá honum nótt eða svo á ferðum sínum um strandir.

Nú ætlum við að fara til Mömmufalrúnar og grilla nauta ribeye með bernaise og tilbehör. Aldrei að vita nema ég grípi rauðvínið með.

Flokkur: Bloggar | Facebook

Athugasemdir

hver er stjúpmamma þín elsku frænka.

ljós í heimi og geymi

steina

Steinunn Helga Sigurðardóttir, 5.5.2007 kl. 21:58

Heyrðu, hún heitir Tamila og er gift föður mínum Rúnari. Við erum jafnöldrur og nú er hún að fara að eiga sitt fyrsta barn. Ég kalla hana stjúpu´mína til gamans.

Ylfa Mist Helgadóttir, 6.5.2007 kl. 11:15