Ylfa Mist Helgadóttir

20.8.2007 | 10:34

Greased lightning.

Í gærkvöld fórum við öll í bílinn, ókum niðrá planið fyrir framan íþróttamiðstöðina. borguðum 500kall, fengum popp og kók, settumst aftur inn, hölluðum sætunum aftur, stilltum á FM 104.0 og horfðum á bíómynd.

Já, það var BÍLABÍÓ í Bolungarvík. Geri önnur krummaskuð betur! Sýnd var myndin Grease, sem var vel við hæfi. Þetta var ótrúlega skemmtilegt. Við fórum að vísu heim áður en myndin var búin sökum þreytu yngstu fjölskyldumeðlima en það spillti ekki gamninu! Þetta var bara algjör snilld!! Það var fullt af fólki á bíói, heilu fjölskyldurnar sátu í bílunum sínum og úðuðu í sig poppi og sungu með myndinni. Svona á að nota haustmyrkrið.

Annars er það helst að frétta að ég er hætt á RÚV, byrja í nýrri vinnu næstu mánaðarmót, frekar spennandi. Segi ykkur betur frá því seinna. Við erum hér heima að dúlla okkur, ég og litlu strákarnir mínir sem eru að bíða eftir að fá að byrja í Skóla og Leikskóla. Halli er í sinni nýju vinnu sem honum líkar bara vel. Við erum að spá í, strákarnir og ég, hvort við eigum að fara í berjamó, sund eða að kaupa nýtt skóladót í dag. Kannski bara að vera heima og taka til. Fara niðrá Skýli og sníkja kaffi og jafnvel súkkulaði í eldhúsinu hjá Stínu......

Ég á 20 krukkur af ástarvikusultu til sölu. Fékk stóra pöntun og gerði full ríflegan skammt. Ef einhvern langar að kaupa sér yndislega, eldrauða jarðarberja og vanillusultu þá er rétta tækifærið núna.

Luv, Frú Ringsted.

Flokkur: Bloggar | Facebook

Athugasemdir

Ertu að tala um þesa rauðu sem ég smakkaði hjá þér fyrir helgi? Hún er guðdómlegar góð. Ég vil nokkrar krukkur takk í Snerpu með hraði.

Matthildur Ágústa Helgadóttir Jónudóttir, 20.8.2007 kl. 11:15

Ylfa mín, ef fellur ferð suður og einhver er tilbúinn að hafa svo sem eins og 3 krukkur með sér í farteskinu þá sæki ég þær - og þú segir mér svo hvernig ég má borga þér.

Ég er enn hlæjandi yfir snilldarrökræðustíl B&B. Sókrates hvað!

Poj poj í nýju vinnunni - hver sem hún er. Þú getur ALLT.

Hulda

Hulda Hákonardóttir (IP-tala skráð) 20.8.2007 kl. 13:05

Það er aldeilis stuð og stemmning í þorpi ástarinnar.

Gangi þér vel í nýju vinnunni, bindindinu, hollustunni og öllu þínu lífi.

Laufey B Waage, 20.8.2007 kl. 13:31

Ég panta hér með krukku og ætla meira að segja að sækja hana í kvöld ef hægt er !!! Kv. Guðrún Stella

P.s. fékk vanillustöng í síðustu og vill endilega reyna að fá aðra - er þá ekki von á tvíburum

Guðrún Stella Gissurardóttir, 20.8.2007 kl. 20:33

Jæja frú sultudrottning. Bara verið að chilla með strákunum ? Góða skemmtun og kláraðu nú viðskiptaáætlunina og kíldu upp þessa sultuverksmiðju... nóg er af fólki sem langar í sultu. Áfram kona !

gudrun (IP-tala skráð) 20.8.2007 kl. 21:37