Feminískar beljur...

....súpa sjálfsagt hveljur, er eftirlætissetningin mín í allri dægurlagaflórunni.

Skilgreiningaráráttan er slæm árátta. Og lýsir yfirleitt neikvæðri áráttu. Rasisti, fasisti, kapítalisti, nasisti, perfectionisti, sexisti, feministi, (er ekki það sama að vera sexisti og feministi?) alkóhólisti, nihilisti.....eiginlega allt nema kommúnisti! (þetta var bara fyrir Yrsu systur.) Allir þessir "istar" eru fólk sem annaðhvort er skilgreint af þjóðfélaginu eða sjálfu sér, og þá líklega vegna þess að enginn annar vill skilgreina það. Eigninlega er svipað að vera "isti" og að búa í einhverju ríkjanna sem enda á "stan." Kasakstan. Túrkmenistan. Daghestan.... Þetta er hvorttveggja stórhættulegt.

Ég á reyndar ágætisvinkonur sem eru "istar." Flestar þá ýmist perfectionistar eða alkóhólistar. Jafnvel feministar! Ein til dæmis, hún Matta, hefur alla sína rauðsokkulituðu tíð, liðið fyrir það að vera einungis kona og því gerst feministi. Ég reyni eins og ég lifandi get, að benda henni á þessi mistök, en hún lætur sér alls ekki segjast. Pínir bara upp á mig uppskriftum af núðlusúpum og betty crocker barnaafmælum! En þar sem ég er umburðarlynd kona og leyfi öllum að vera eins og þeir eru, þá brosi ég einungis góðlátlega og jánka......

Ég hefði nú gaman af því að fá viðbrögð þessarra vinkvenna minna við eftirfarandi pistli. Svo er nú það, að við hjónin erum Harry Potterfólk og höfum verið að hlusta á nýjustu bókina lesna af bandi. Stefan Fry, sá breski leikari er sögumaður og gerir söguna einkar spennandi. En þetta var útúrdúr.  Feminísk belja nokkur, Christine Schoefer, hefur greinilega stúderað Potterbækurnar (sem eru jú skrifaðar af konu) og séð sig knúna til að rita eftirfarandi:

Feminist criticism

Yet another vein of criticism comes from some feminist circles, Christine Schoefer prominent among them, who contended that the novels are patriarchal and male chauvinistic. According to Schoefer the series presents a world filled with stereotypes and adherence to "the conventional assumption that men do and should run the world," and she suggests that this conventionality might be a part of the comfort readers take in the series. Schoefer cites Harry's courage in dangerous situations in contrast to Hermione's apparent emotional frailty when confronting the same, along with her need for Harry and Ron's approval. Similarly, she contrasts the female Professor McGonagall and her similar frailty under stress compared to the composed and farsighted Dumbledore. In addition to this is the attachment of fraud to females (Professor Trelawney, Professor Umbridge), immaturity (constantly giggling, naive and catty school girls), and a general lack of daring, bold heroines. She also criticised the fact that the young Ginny Weasley is described by the archvillain, Lord Voldemort, as "the foolish little brat", and that he also says how boring it would be to listen to "the silly little troubles of an eleven-year-old girl".^[76]

^{Hvert er heimurinn að fara, spyr ég nú bara. Fávís konan.}

Athugasemdir

[Berglind (IP-tala skráð) 9.9.2007 kl. 21:57]

Já, hvað á manni að finnast... Nenni hvorki að vera þurrkunntuleg né svikari við málstaðinn. Alla vega finnst mér það bara dálítið hugrakkt að skrifa vinsælasta bókaflokk okkar tíma án þess að falla í gryfju pólitískrar réttsýni og fylla hann af kvenfólki "bara af því bara". Hafa kjark til að segja bara góða sögu. Aðalsöguhetja einnar sögu hlýtur jú að vera annað hvort kvenkyns eða karlkyns, og sagan að litast af því frá hvaða sjónarhóli við horfum á hana. Ég er strákamamma og finnst alveg mega segja sumar sögur út frá sjónarhóli drengja og karla, sem eiga fleiri vini en vinkonur og taka sér karlmenn til fyrirmyndar. Ég þekki líka haug af ungum stúlkum sem sökkva sér af ástríðu ofan í sögurnar um Harry Potter, þó hann sé strákur. Sjálf er ég kona og finnst Harry bara fullkominn eins og hann er. Og ég ætla líka að lesa hann fyrir dóttur mína.

[Halldór Sigurðsson, 9.9.2007 kl. 21:58]

Þetta byrjaði allt vel , ræðan um istana og stan löndin,maður var farin að halda að ísfirðingar ( þú ert fulltrúi þeirra ) væru vel lesnir og heimsvanir.
En þá kom það sem rústaði því -- Harry Potter !!!!
Fólk sem les harry potter , er ekki alveg heilt.

[Matthildur Ágústa Helgadóttir Jónudóttir, 9.9.2007 kl. 22:13]

Noh, ég er bara í aukahlutverki í blogginu hjá þér í dag.  Þá er ekkert í stöðunni nema súpa nokkrar hveljur. 

Það hefur alltaf verið mikið rætt og ritað um Harry og bæði á femínískum nótum og öðrum.  Þó ég þekki ekki til Christine Schoefer kannast ég vel við umræðuna og get vel verið sammála mörgu sem bent er á.  Konurnar í þessari sögu er svo sem ekki neitt rosalega spennandi, engin þeirra er sérlega valdamikil og ég man ekki eftir einni einustu alvöru ljótukellingu.  Persónulega hefur líka alltaf farið pínulítið í taugarnar á mér að hún Hermione, sem er svo klár, fær ekki að vera meiri hetja.  Harry sem aftur á móti er bara heppinn, ekki sérlega klár fær nánast alfarið að sjá um hetjumálin. Launamunurinn eða hvað! Hvað um það, þetta eru sérlega skemmtilegar bækur þó þær séu klárlega byggðar á hefðbundnum kynjahlutverkum. 

Ef þú hefur áhuga á ýmsum pælingum um þessar bækur, ekki bara femínískum pælingum, þá set ég nokkrar slóðir með. ....Já og passaðu þig að gleypa ekki flugu þegar þú geltir svona á mig....

http://www.amptoons.com/blog/archives/2007/07/21/review-harry-potter-and-the-deathly-hallows-spoilers/

http://www.prospect.org/cs/articles?article=harry_potter_and_the_complicated_identity_politics

[Annska (IP-tala skráð) 9.9.2007 kl. 23:13]

Ég verð nú bara að lofa þig sérstaklega fyrir þessa skemmtilegu ljósmynd.

Annska - alkahólisti með meiru

[Harry Potter aðdáandi. (IP-tala skráð) 9.9.2007 kl. 23:26]

ekki hef ég mikið vit á feminisma en mitt svar er ; Kapitalismi. Komúnisminn hefði haft alla jafna !

[Ylfa Mist Helgadóttir, 10.9.2007 kl. 07:45]

Thíhíhí!!!

Matthildur! Er þér ALVARA?? Hefurðu í raun hugleitt þessa hluti???  Þú ert DÁSAMLEG!!! Luvja! hlakka til að sjá þig í hádeginu.

[Matthildur Ágústa Helgadóttir Jónudóttir, 10.9.2007 kl. 08:37]

Já Ylva mín mér er sko alvara ég er alltaf að spekúlega það gerir lífið svo skemmtilegt.  Sumir komast aldrei af "af hverju?" tímabilinu..............

[Matthildur Ágústa Helgadóttir Jónudóttir, 10.9.2007 kl. 10:15]

Ég ætlaði auðvitað að skrifa Ylfa,  Úps, nú verð ég rassskellt í hádeginu.

[Steinunn Helga Sigurðardóttir, 10.9.2007 kl. 19:39]

mér finnst urta sæt !

hef aldrei lesið þessar bækur, enda frá Færeyjum !

AlheimsLjós

steina 

[Þórdís Einarsdóttir, 10.9.2007 kl. 20:21]

Mér finnst Urta líka sæt. Og Harry Potter skemmtilegur. Hef aldrei velt fyrir mér kven/karlhlutverkum þarna. Les bara bækurnar og velti þeim ekkert fyrir mér neitt sérstaklega. 

ÞE 

[Halla Signý (IP-tala skráð) 11.9.2007 kl. 09:10]

Ég hef aldrei lesið, Harry Potter og langar ekkert til þess, en þegar mér fer að líða þannig að  mér finnst fémínískan eitthvað vera í rénjum hjá mér, þá dreg ég fram bókina Sjálfstætt fólk. Þá alveg spólast ég upp aftur sem aldrei fyrr.

Það er nefnilega allt morandi af Björtum í Sumarhúsum í kringum okkur og jafnvel í okkur sjálfum.

[Gló Magnaða, 11.9.2007 kl. 13:46]

Ég veit ekki hvers konar isti ég er nema ras-isti kannski.

Helvítis útlendingar.......

[Nanna (IP-tala skráð) 12.9.2007 kl. 09:32]

kynjaójafnvægið í harry potter er náttúrulega bara djók miðað við margar aðrar barnabækur. af hverju er til dæmis ekki búið að banna enid blyton..? 

[Sigríður Karen Bárudóttir, 13.9.2007 kl. 21:34]

Hér sé fjör!

Banna Enid... já detti af mér allar lýs. Ég ætla ekki einu sinni að reyna að lesa þær fyrir son minn og eina góða tilraunin til að lesa þær fyrir dóttur mína entist ekki lengi. Held þær þær hafi bara bannfært sig sjálfar þessar bækur sem auðvitað voru barn síns tíma.

Annars lýst mér vel á pælingar Möttu. Stelpurnar hans HP eru mjög klárar en taka ekki heiðurinn. Hvað er að því að afþreyingarbækur endurspegli samfélagið? Samt ber ég heilmikinn metnað fyrir dóttur minnar hönd. Held ég hafi verið góð fyrirmynd en í seinni tíð langar mig að hafa hægt um mig heima og hægja á karríernum. Væri ég þá að gefa syni mínum ranghugmyndir um mæður? Eru mæður ekki bara allavegana?

Já og svo er það fólkið sem er ekki alveg heilt. Flest höfum við einhverja bresti og ef þeir eru einungis tilkomnir af lestri HP og öðru þvílíku þá held ég við séum vel sett.  

Húmanistinn