Frk. "Best í öllu"

Er það ekki ótrúlegt hversu mikil ítök heimtufrekjan getur haft í einni manneskju? Ég er bókstaflega að rifna úr frekju og tilætlunarsemi! Ég fékk svo fínar einkunnir fyrir þrjú síðustu verkefnin í Líffæra og lífeðlisfræði, (10 fyrir þau öll) að ég bjóst ekki við neinu undir níu fyrir hlutaprófið sem ég tók á mánudaginn. Þegar ég fékk einkunnina, 8.8 varð ég í alvörunni drullufúl! Einhvern tíma hefði mér nú þótt allt yfir fimm ágætt en nú er það orðið þannig að allt undir níu er bara engan vegin ásættanlegt. Ég vil vera BEST!!  Ég stóð mig meira segja að því að fara að argast við kennarann, greina spurningarnar sem ég fékk vitlaust fyrir og reyna að kenna henni um að ég hafi svarað vitlaust! Spurningarnar væru ekki rétt fram bornar! Allt í einu áttaði ég mig og dauðskammaðist mín! En um leið finnst mér þetta svo fyndið því að þetta er ekkert líkt mér.

Ég hef aldrei verið neitt sérlega dugleg að leggja mig fram við eitt né neitt. Ég meina ekki að ég sé algjör slugsi, heldur bara að ég hef ekkert verið að reyna meira á mig við hlutina en nauðsynlegt er! En nú er það orðið þannig að meira segja í gítartímanum áðan var ég að farast úr pirringi yfir því að geta ekki spilað alveg eftir bókinni! Þangað til Halli gítarkennari benti mér á það, á sinn yfirmáta hægláta og hógværa hátt, að þetta væri nú annar tíminn og mér óhætt að slaka á!!!

Kannski er ég bara að "missaða!" -það er nú varla það versta!

Próf í hjúkrun á morgun og á morgun fer mamma. Hún er búnað vera hér í tvær vikur, tæpar. Sláturgerð um helgina og svo próf í Sálfræði í mánudag. Og þá er nú farið að styttast í rannsóknina stóru. Ég krossa bara fingur.

Athugasemdir

[viggómamma (IP-tala skráð) 2.10.2008 kl. 19:22]

Nú er mín í essinu sínu.

Hlakka til að heyra þig trúbadorast einhvern tíma.

[Þórdís Einarsdóttir, 2.10.2008 kl. 20:53]

Þá geturðu sungið OG spilað í einu! Það verður sko gaman.

Og þegar maður er komin örfá ár yfir menntaskólann þá er allt undir 9 hræðilegt!! Ég kannast örlítið við það sko...!

Þ 

[Halla Signý Kristjánsdóttir, 2.10.2008 kl. 21:02]

'Eg veit alveg hvað er að þér í höfðinu, það er ekki von að þig svimi kona, að burðast með alla þessar námsgáfur, mig sundlar strax og ég fer yfir 7,5

[Steinunn Helga Sigurðardóttir, 3.10.2008 kl. 13:44]

ég krassa fingur með þér.

gangi þér vel í sláturgerðinni. það er ekkert að því að vilja vera bestur, eða þannig heheh

knús frænka

steina

[Sigga Lára (IP-tala skráð) 3.10.2008 kl. 13:45]

Ég kannast við þetta vandamál. Í gamla daga, sérstaklega í námi, minnir mig að ég hafi nú bara reynt að komast sem léttast frá þessu. Núna þarf allt að ganga FULLKOMLEGA. Og ekki bara námið. Ég þarf að gera ALLT óaðfinnanlega. Þá erum við líka að tala um uppeldið, þvottinn, auka-auka vinnuna...

Ég geri mér mjög grein fyrir að ég þarf að gera eitthvað til að dempa þetta. Annars verð ég baaaara geðveik. (-ari)

[Katrín, 3.10.2008 kl. 20:26]

nú er gott að vera ekki kennari á sjúkralíðabraut

[Berglind (IP-tala skráð) 4.10.2008 kl. 14:33]

Ha, ha, ha!!! Svona einkunnageðveiki er eitthvað sem ég þekki mjög vel. Og það er svo fyndið hvað hausinn á manni getur sagt eitt, t.d. að 8,8 sé fínasta einkunn, og svo segja tilfinningarnar eitthvað annað, t.d. AAAAAARRRGGGG! Gamla prinsippið hans Palla, að allt yfir 5 sé yfirvinna, hvarf meira að segja þegar hann gerðist háskólanemi á gamals aldri. Gangi þér vel í næstu verkefnum :-)

[Þórdís Einarsdóttir, 4.10.2008 kl. 15:43]

hehe... fékk 8.7 í stigaprófinu í saxinum. Fannst það nú jaðra við fall!

Þ

[Aprílrós, 4.10.2008 kl. 19:45]

innlitskitt ;)

[Ella Rosa (IP-tala skráð) 4.10.2008 kl. 21:41]

já það er af sem áður var Ylfa mín :) takk fyrir spjallið um daginn,það var gott :) hilsen fra Aarhus

[Þórdís Einarsdóttir, 5.10.2008 kl. 10:22]

Sara: Ég lærði á saxinn í tónlistarskólanum heima. Byrjaði meira að segja með hljóðfæri frá sjálfum meistara Villa Valla. Og Baldur Geirmunds kenndi mér fyrsta árið. Eintómir snillingar!

Þ 

[YrsaHörn Helgadóttir (IP-tala skráð) 6.10.2008 kl. 15:42]

einkunnagredda heitir þetta heima hjá mér

[Laufey B Waage, 6.10.2008 kl. 21:27]

Þú tekur kannski á best-ismanum í Holti í Önundarfirði. Gangi þér vel, bæði í skólanum sem og öllu þínu lífi.

[Pálína Vagnsdóttirr (IP-tala skráð) 7.10.2008 kl. 14:18]

Takk fyrir síðast Ylfa mín, alltaf svo gott að koma til ykkar!!  Taktu þetta bara eins og þú gerir í "sultunni", ÞÚ ERT BESTI SULTUGERÐARMEISTARI SEM ÉG ÞEKKI!!!!! Gangi þér vel elskan !!!