Ylfa óvinsæla

Ég fór í blóðprufu í morgun og henti inn þvagprufu í leiðinni. Bara svona til að gera bæði. Fór svo á Skýlið og sníkti kaffi og snúða. Hékk þar fram að hádegismat svo ég gæti líka sníkt steiktan fisk í raspi og mysuostasúpu með rjóma. Reyndi að sannfæra Hildi yfirmann minn um að ég væri hress og mætti alveg vinna. Og ég er ekkert að rugla, ég ER hress! En nei. Hún kærði sig lítið um mína starfskrafta! Eins og ég er dásamlegur starfsmaður!? Það er ekki nóg með að hún vilji mig ekki í vinnu, það vill enginn vinna með mér!  

Ég vorkenni mér svo hræðilega mikið að ég er bara hreinlega með tárin í augunum daglangt! Ég er óvinsælasti starfsmaður Bolungarvíkur. Og ég sem hélt að ég væri ekki einasta vel liðin, heldur bara þó nokkuð vinsæl að vinna með....... En laun heimsins eru vanþakklæti!

Athugasemdir

[Aprílrós, 13.11.2008 kl. 14:57]

Æjæj hvað er að heyra ;)

[Steinunn Helga Sigurðardóttir, 13.11.2008 kl. 16:04]

ææææ, snúllan mín !

knús í krús

steina frænka

[Jóhanna (IP-tala skráð) 14.11.2008 kl. 01:05]

ææ elsku kellingin ég vil alveg vera með þér á næturvakt baraaa ef þú lofar að detta ekki út í yfirliðkær kveðja og vonandi fer eitthvað að skýrast í þínum málum ég skil þig alveg elsku ylfa mín kær kveðja Jóhanna

[Katrín Dröfn Markúsdóttir, 14.11.2008 kl. 09:10]

þú mátt alveg koma og vinna með mér ... við gætum t.d. sett í þvottavél saman, tekið til og eldað mat.  Svo skal ég  reyna að grípa þig ef þú dettur ..... mér finnst þú nefnilega svo ótrúlega skemmtileg eskan mín .... knús á þig