Próf í verklegri hjúkrun.

Prófið var í dag. (sunnudag) Æfingadagurinn í gær. Ég var svo stressuð í prófinu að ég bókstaflega var SVEITT í framan! Einkuninn kom á námsskjáinn rétt í þessu: OG ÉG FÉKK NÍU!!!!!

Það þýðir að ég hef afbragðs hæfileika til að gera m.a. eftirfarandi:

Gefa stólpípu

Skipta um þvagpoka sem og önnur umgengni við þvaglegg, þurfir þú á honum að halda...

Mæla blóðþrýsting og önnur lífsmörk

taka hin ýmsu lífssýni, s.s. hráka-þvag og saursýni, stixa þau og leita að td. blóði í téðum sýnum.

Annast ýmsar almennar innhellingar í endaþarm.

Mata sjúkling

Skipta um stómapoka

Gefa neðanþvott

Og fleiri og fleiri skemmtilega hluti. Að sjálfsögðu vantar mig góða sjálfboðaliða til æfinga.

Verið ekki hrædd við að bjóða ykkur fram, ég meina... ég fékk NÍU!

 

 

 

Athugasemdir

[Yrsa Hörn Helgadóttir (IP-tala skráð) 17.11.2008 kl. 08:29]

Til hamingju Ylfa!

Kveðja frá Stórusys

[Þórdís Einarsdóttir, 17.11.2008 kl. 09:57]

Þú  mátt mata mig. Ef þú eldar matinn! :D

Þ

[Auður (IP-tala skráð) 17.11.2008 kl. 09:59]

Já  góður neðanþvottur er aldrei of oft gefinn :) Viltu að ég komi með sýnin eða ætlaðu að sækja þau? thí hí, Auður

[ísfijarðarkona (IP-tala skráð) 17.11.2008 kl. 10:37]

Til hamingju með þetta kona. Og á hverjum æfðir þú þig svona vel og oft ? þannig að  þú fékkst svona háa einkunn ?

Sýnist ég sjá Halla hálfboginn hér á götu um daginn. Fær hann engan frið fyrir þér þessa dagana ?

[Ragnheiður Ása Ingvarsdóttir, 17.11.2008 kl. 10:41]

 

[Laufey B Waage, 17.11.2008 kl. 12:33]

Til hamingju með sannaða snilld þína í ýmsu því sem viðkemur hægðum og þvagi.  Ég er ekkert að efast um færni þína þó ég leyfi mér að vona að ég þurfi ekki á þvílíkri þjónustu að halda í bráð.

[Harpa Hall (IP-tala skráð) 17.11.2008 kl. 13:20]

Frábært til hamingju, þetta er sko ekki ofmetnir hæfileikar :O)

Við þurfum öll á þessari þjónustu að halda á e-h tímapunkti, og það er ekki ofmetið að eiga gott fólk sem kann að sinna þessari þjónustu upp á heila 9...stolt af þér, þú gerir allt vel það sem þú tekur þér fyrir hendur, hvort sem er að líða út af eða brillera í þvag og saura prófum ásamt undirþvotti ( ein spurning, skipti þá máli hvort var um kvk eða kk að ræða ? ) var þetta próf ekki örugglega verklegt ??

;O) Þú ert yndisleg....og færð 10 í lífsins prófi.

[Aprílrós, 17.11.2008 kl. 16:33]

Til hamingju Ylfa, alveg frábær einkun. ;)

[Gunnar Páll Gunnarsson, 20.11.2008 kl. 17:43]

En hvað það verður gaman að fá ykkur í heimsókn. Mig hefur alltaf dreymt um að fá stólpípu.

Gunni Palli kokkur

[Vilborg Valgarðsdóttir, 21.11.2008 kl. 09:54]

Til hamingju með árangurinn Ylfa mín, maður þarf þá ekki lengur að fara til Póllands ...