Virginíukonsert Ylfu Mistar Helgadóttur.

Ylfa Mist Helgadóttir er þrjátíu og fimm ára.

Ylfa Mist Helgadóttir getur sungið þokkalega.

Ylfa Mist Helgadóttir hefur oft sungið fyrir fólk við ágætar undirtektir.

En....

Ylfa Mist Helgadóttir hefur aldrei haldið tónleika.

Og þá erum við að tala um almennilega tónleika. Með Ylfu Mist Helgadóttur í aðalhlutverki.

Þann 10.10, verður gerð á því bragabót. Þá ætlar Ylfa Mist Helgadóttir að halda sinn eigin konsert í Einarshúsi í Bolungarvík. Og syngja fullt af uppáhaldslögum. Meðspilari verður Baldur Ragnarsson, Ljótur Hálfviti frá Húsavík...-reyndar sennilega sá sætasti af þeim annars Ljótu Hálfvitum, langyngsti og svo er hann meira að segja á lausu! Margrét nokkur Sverrisdóttir, söngkona úr Túpílökum verður gógópía og ísfirska sönggyðjan Hjördís Þráinsdóttir, sem ásamt Ylfu Mist Helgadóttur skipar dúettinn "Sítt að neðan," verður einnig á staðnum með sín mezzósópranísku raddbönd.

Aðgangseyrir verður hóflegur, svona af því að þetta er frumraunin og einnig af því að það er kreppa!

Spurningin er bara; ætla einhverjir fleiri en ofantaldir að mæta?

 

Athugasemdir

[Ragna Jóhanna Magnúsdóttir , 15.9.2009 kl. 23:54]

Ég skal hundur heita ef ég mæti ekki

[Ylfa Mist Helgadóttir, 16.9.2009 kl. 00:00]

eins gott Ragna mín. Einhver verður að selja fólkinu ofurlitla brjóstbirtu svo það haldi út "afmeyjunina!"

(þetta var nú bara sagt af því að þú hefur svo gaman af "miðlægum" bröndurum!!)

[Bjarnveig (IP-tala skráð) 16.9.2009 kl. 07:27]

Mikið vildi ég að ég væri fyrir vestan þennan dag

[Gréta skúla (IP-tala skráð) 16.9.2009 kl. 09:26]

halló....auðvita mæti ég og horfi á hana Thelmu mína singja svo þar að nudda hana á milli laga...bíð spent.

[Guðrún (IP-tala skráð) 16.9.2009 kl. 09:28]

Ég kem !

[Matthildur Ágústa Helgadóttir Jónudóttir, 16.9.2009 kl. 16:11]

Ég skal koma og góna á ykkur og býð menninu með.

[Halla Signý Kristjánsdóttir, 17.9.2009 kl. 14:44]

ætli maður verði ekki að druslast

[Hjördís (IP-tala skráð) 17.9.2009 kl. 17:20]

Ææææ ég nenni ekki...

[Valrun (IP-tala skráð) 17.9.2009 kl. 17:48]

Drullulangar.....er svo stolt yfir að hafa átt þátt í að draga þig út úr þessari einangrun sem þú varst búin að koma þér í á sínum tíma þarna uppi í Traðarlandi...og sjáðu nú söngfuglinn minn...bara með eigin tónleika og alles . Það má bara ekki fela svona hæfileika Ylfan mín !! Geri ráð fyrir að Lýður taki eitthvað upp og smelli inn á youtube....nú eða facebook....hvað segir þú um það Lýður ??

[Berglind (IP-tala skráð) 17.9.2009 kl. 22:17]

Verð í Biskupstungum á Kvenfélagsárshátíð, því miður. Myndi svo gjarnan vilja vera fluga á vegg. Er ekki hægt að stríma þetta á netinu eins og aðra vestfirska stórviðburði í tónlistarheiminum?

[Toggi (IP-tala skráð) 19.9.2009 kl. 13:03]

Snilld hjá þér að kíla á þetta, og þó fyrr hefði verið! Verð með hugann hjá ykkur Baldri, allavega þann hluta hans sem ég verð ekki að brúka í Íslensk-færeysku stuttverkahátíðina á Seltjarnarnesi sem ber upp á sama kvöld.

[Yrsa Hörn Helgadóttir (IP-tala skráð) 19.9.2009 kl. 19:16]

Loksins! Gangi þér vel mín kæra, YHH

[Harpa J (IP-tala skráð) 23.9.2009 kl. 09:09]

Ég kemst ekki. Því er nú andsk. ver og miður. En ég ítreka hér með tillögu mína um að ,,leka" smá hljóðprufu, af æfingu t.d. á youtube - bæði til að skerpa á auglýsingunum, en aðallega af því að mig langar svo voðalega að heyra smá.

[Gunna Gumma Hafsa (IP-tala skráð) 29.9.2009 kl. 09:05]

Sorry ég verð ekki á staðnum. Að sjálfsögðu myndi ég mæta ef svo væri ekki. Vona að allt gangi vel