Með nýju nefi.

Mig hefur alltaf fundist svo æðislega flott að hafa svona reisulegt og mikið nef!

Kónganef, arnarnef, söðulnef og hnútunef!

Sjálf er ég bara með svona frekar kartöflulagað nef. Var alin upp í þeirri trú að það væri gríðarstórt en komst svo að því síðar að það væri hvorki stórt né merkilegt. Það líklega hefur kynnt undir ástríðu mína gagnvart stórum og miklum nefjum.

Mér áskotnaðist einmitt svona reisulegt nef í dag þegar ég lenti uppá kant við vaskbrún í vinnunni. Frí augnmálning fylgir í kjölfarið á næstu dögum svo að ég hef ótrúlega dívulegt útlit. Verst að þetta endist líklega ekkert nema nokkra daga! En á meðan nýt ég nýja útlitsins.

Ég er hrifin af þessu nýja nefi og fari ég einhverntíma í andlitslýtaaðgerð, verður það til að fá fallega bogadregið og háreist nef. Það klæðir mig. Ekki spillir smá hnútur svona alveg efst við nefrótina! það er smart!

Athugasemdir

[Hjördís (IP-tala skráð) 27.11.2009 kl. 14:38]

Haha þú ert nú alveg =o)

[Ella Rósa (IP-tala skráð) 27.11.2009 kl. 22:54]

hahahahahah geturðu ekki tekið mynd af nefinu  :)

[Bergljót Hreinsdóttir, 28.11.2009 kl. 10:48]

Ha ha ha! Snillingur!!!

[Ragna Jóhanna Magnúsdóttir , 29.11.2009 kl. 16:20]

rignir upp í þetta nef eins og hitt?

[Aprílrós, 29.11.2009 kl. 17:29]