BÚIN!!!!!

Hamingjan góða hvað ég er fegin að vera búin í prófunum! Síðasta prófið var í morgun og ég fékk útkomuna strax eftir hádegi. Og á minn hófstillta og hæverska hátt hringdi í bókstaflega í ALLA sem ég náði í til að tilkynna að ég hafi fengið TÍU! Svo að mínar einkunnir líta druuuulluvel út þessa fyrstu önn. Ja... nema sálfræðin. 7 - 9 - 9.4 og 10!!! Svei mér ef ég held ekki bara áfram í skóla útí það óendanlega bara. Þetta er svo skemmtilegt!

Baldur reyndist vera með lungnaberkjubólgu og fékk penicillin hjá Dr. Theodóru í dag. Hann ætti að ná sér fljótt og vel. Birnir og hann eru orðnir jóla-spenntir og mér sýndust vera litlar legófígúrur komnar í skóinn hjá þeim áðan þegar ég leit inn til þeirra um miðnættið. Jólasveinnin var eitthvað snemma á ferðinni í kvöld.

Ég borgaði stóóóóran reikning í dag og mikið fjarskalega líður mér vel með það. Mikið hlakka ég til þegar sá dagur rennur upp, að ég skulda engum neitt.... líklega verður það þó í næsta lífi!

Á morgun ætla ég að sofa til a.m.k. klukkan tíu og dúlla mér svo við tiltekt og föndur með Baldri fram eftir degi. Svo annað kvöld fer ég í Holt í tólfsporin mín, sem ég hef ekki komist í rooooosalega lengi. Það verður frábært.

 

Athugasemdir

[Aprílrós, 18.12.2008 kl. 01:14]

Til hamingju með prófin þín mín kæra. ;)

[Sigríður Inga Sigurjónsdóttir, 18.12.2008 kl. 08:10]

Til hamingju með frábæran árangur. Hafið þið það sem best. Kveðja frá Ísó.

[Halla Signý Kristjánsdóttir, 18.12.2008 kl. 08:26]

Til hamingju með það Ylfa mín, en segðu mér hvað er þá súrefni??? ég held allavegna að þú hafir nóg af góðu súrefni í þínu blóði að standa alltaf í lappirnar þrátt fyrir veikindi og fráfall föðurs þíns. Fá svo tíu í prófi, góð!!!!!!

[Steinunn Helga Sigurðardóttir, 18.12.2008 kl. 09:50]

til hamingju elsku frænkan mín !

hér er lítid jólalegt, engin snjór

knus inn i daginn thinn

[Sigga Lára (IP-tala skráð) 18.12.2008 kl. 10:52]

Heppiiin! Er einmitt að fara í fyrsta og eina og síðasta prófið á eftir. Hrikalega úldin með ógeðslega skítugt hár og barnamauk í peysunni. Og skila í leiðinni ritgerðinni sem ég var að prenta út.

En gott verður það nú eftirá. Jájá.

Og til hamingju með þessar glæsilegu einkunnir!

Ég er komin með eina níu fyrir þessa önn en reikna nú ekki með öðru eins eða hærra fyrir það sem eftir er.

[Gunnur B Ringsted, 18.12.2008 kl. 13:06]

Til hamingju með að vera búin og með frábæran árangur. Vel af sér vikið! Heilsist ykkur sem best.

[Laufey B Waage, 19.12.2008 kl. 09:27]

Til hamingju með próflokin, einkunnirnar og jólafríið.

[lufsan (IP-tala skráð) 20.12.2008 kl. 10:28]

mín kæra! til lukku með frábærar einkunnir sjálf bíð ég eftir mínum einkunum held að þær verði nú ekki svona góðar en maður getur alltaf vonað. Vona að þú og þínir eigið góð jól sjáumst sem fyrst!

lufsan og co 

[Harpa Hall (IP-tala skráð) 20.12.2008 kl. 13:32]

Flott hjá þér...ekkert smá einkunnir, njóttu lífsins :O)