Á ég að fara í fýlu?

Nú er ég komin í sumarfrí. Sem er alveg rosalega fínt og ég hóf það á bústaðarferð með góðum kvinnum. En kommon! Hvað er með veðrið? Við borðuðum morgunverðinn í sveitasælu Bjarnardals í morgun og rifjuðum upp hitabylgju þar síðasta sumars á meðan hundarnir léku sér úti í snjókomunni! Og á þessu ergir maður sig. Sem er mesta rugl því að ekki stjórnar maður nú veðrinu, svo mikið er víst. Það er víst eitt af þessum fáu hlutum í lífinu sem maður getur firrt sig allri ábyrgð á. Maður þarf ekki einu sinni að hafa skoðun á þvi. Það er hvort eð er ekki hægt að kvarta til neins. Það er engin sem tekur við skömmunum.....

Ég ætla norður í land, að Húnavöllum, um miðjan júní og dvelja í rúmlega vikutíma og skrifa ódauðlegt meistaraverk. Ekkert minna náttúrulega! Karlpeningur og tík heimilisins fara ögn norðar og kíkja á Akureyri og nágrenni á meðan. Svona eins og í fyrra. Strákarnir litlu eru orðnir spenntir og hlakka auðvitað agalega til að fara að veiða og snúa ömmu Systu í kringum sig með fordekrun og ísferðum í Brynju og þess háttar. Nestisferðir í kjarnaskóg verða örugglega líka á listanum, ef ég þekki mitt fólk rétt. Svo sækja þeir mig og við komum aftur vestur í heimahagana til að taka á móti gestum og gera svona þetta almenna sumar.....stöff.

Það virkar sjálfsagt ekkert, en engu að síður má nú skutla svona eins og einni ósk í himnaföðurinn um smávegis hækkun á hitatölum? Bara þó ekki væri nema upp fyrir fimm gráðurnar? :) Bara svo að kanínan snjói ekki í drasl þarna útí garði?? Plís???

Sjáum hvort það dugar.

Athugasemdir

[Svanhildur Árnadóttir (IP-tala skráð) 29.5.2011 kl. 19:31]

Sæl Ylfa mín!

Alltaf gaman að lesa pistlana þína. Þú ert svo djö...góðr penni. Hvaða meistaraverk ætlar þú að hrista fram úr erminni þarna á Húnavöllum?

Love Svansa

[Gunnhildur (IP-tala skráð) 29.5.2011 kl. 21:26]

Hér með er Halla boðið í mat og pólskann vodka þegar hann kemur norður líkt og síðast.  Drengjunum litlu er boðið með í mat og prins póló en ekki vodka.  þú skilar þessu til hans fyrir mig:)

[Ylfa Mist Helgadóttir, 30.5.2011 kl. 00:45]

Já sælar kæru frænkur! Svansa mín ég ætla að skrifa leikrit eða leikþátt amk.í Bandalagsskólanum góða.

Gunnsa, ég þakka fyrir boðið. Tekurðu svo pólska vodkann ekki bara með þér hingað vestur í sumar og ég geri úr honum aðalberjalíkjör til að dreypa á um jólin?

[Ragnheiður , 1.6.2011 kl. 05:50]

Æj nú sá ég kanínuræfilinn fyrir mér ! fenntan í kaf...

ég skil ekki þetta veður ! ég mótmæli ..!

[Aprílrós, 4.6.2011 kl. 10:02]

þú ert svo dugleg ;) Gangi þér vel