Föstudagur

Ferðin norður gekk vel, við stoppuðum og dýfðum okkur í laugina í Reykjanesi í kortér og stoppuðum svo næst bara í Staðarskála og átum jógúrt og banana. Mættum svo til Pabba um hálf tíu leytið um kvöldið, slæpt og þreytt eftir langt ferðalag og fengum ilmandi gúllassúpu sem Yrsa systir hafði eldað og komið með. Við höldum til hjá pabba og að sinni verður ekki farið í neinar heimsóknir til annarra, heldur tíminn nýttur með honum og fjölskyldunni eins og hægt er. Við förum aftur heim á mánudag að öllu óbreyttu og þá fer maður að huga að fermingu erfingjans!! Litli drengurinn hennar mömmu sinnar bara að verða svona stór!

Jæja, þetta hefur verið langur og strangur dagur með tilfinningarússíbana og öllu tilheyrandi. Halli minn er kominn undir sæng og allir sofnaðir hér í Skálagerðinu nema ég og Urtan mín en nú erum við að hugsa um að skríða uppí hjá okkar heittelskaða..... (nema hvað að tíkinni verður auðvitað snarlega sparkað frammúr ef hún ætlar eitthvað að fara að gera sig breiða... kemst sko engin tík upp á milli okkar ;o) )

Góða helgi og Guðsblessun.

Athugasemdir

["fyrrverandi" vinkona á Ísafirði (IP-tala skráð) 16.2.2008 kl. 00:10]

Elsku fjölskylda. Gott að ferðalagið gekk vel.

Munið að .....

Og faðma og bara vera til ....

og brosa

og hlæja

og njóta samvista við ykkar nánustu.

Bestu kveðjur

Viggós og Gunnars mamma á Ísafirði.

...

..

...

...

( Viggó og Gunnar eru kettir )

[Steinunn Helga Sigurðardóttir, 16.2.2008 kl. 08:53]

hugsa til þín elsku frænka !

Bless til þín og þinna

steina 

[Spákonan á Kambinum (IP-tala skráð) 16.2.2008 kl. 12:35]

Sendum okkar bestu kveðjur úr Gula Húsinu Ylfa mín :)

Njótið þess að vera saman.

[Krissa (IP-tala skráð) 16.2.2008 kl. 15:42]

Ferming! Ji, og þá er ég eftir tvö ár- er það ekki!!

En það er svo stutt síðan þessir gaurar voru agnarsmáir- á Leikgarðstímabilinu! Ja- tíminn, hann spólar áfram

kv Krissa

[Katrín, 16.2.2008 kl. 22:34]

Gott að heyra að ferðin norður gekk vel.  Njótið samvistanna 

En þetta með hundinn....fær hann virkilega að liggja í rúminu????!!!

God bless

[valrun (IP-tala skráð) 17.2.2008 kl. 17:56]

Gott að þið komust heil norður, enda ekki nema von með þessarri fínu viðkomu í Reykjanesinu og superhollu nesti  ....og dettur Kötu annað í huga en að hundurinn fái að vera uppi rúmi, hér eru engar ýkjur á ferðinni.

Sendi ykkur hlýjar hugsanir og knús á pabba þinn, þennan líka sæta og góða karl frá okkur mæðgum öllum.... og að sjálfsögðu kærar kveðjur til Tótu. Vonum að þið njótið samvistanna þessa dagana, muna að segja  upphátt oft á dag " Ég elska þig". Kærar kveðjur til ykkar allra mín Bestasta. Valrún og co.

[eitt sinn granna á áttunni (IP-tala skráð) 18.2.2008 kl. 14:01]

"kemst sko engin tík upp á milli okkar ;o) )"

Deeeem Ylfa... þú ert ekkert smá hörð :). Þú þarft að kenna mér á þetta. 

[Ylfa Mist Helgadóttir, 18.2.2008 kl. 22:12]

Kæra fyrrum Granna. Það er bara að sparka nógu fast.... :)