terroristinn hennar mömmu sinnar :)

Baldur er ekkert alltaf sama ljósið og bræður hans. En það er ágætt, ekki geta allir verið eins. Í dag "málaði" hann dótaskúrinn á leikskólalóðinni með drullu og skít og sjálfan sig um leið. Síðan át hann áleggið ofan af brauði allra barnanna á deildinni þegar komið var að kaffitímanum...... Þann tendens gæti hann mögulega haft frá mér... eða pabba sínum.....

Þetta með skítinn hins vegar minnir óneitanlega á Björgúlf stóra bróður hans þegar hann, tveggja ára gamall kúkaði á gólfið og faldi ummerkin með því að moka öllu inn í vídeótækið með lítilli plastreku! Ég varð ekki vör við neitt (nema smá lykt) fyrr en ég setti tækið aftur í gang. Það var bara eins og skítadreifari þegar ég ætlaði að spóla til baka!

Þetta eru nú meiri ormarnir.

Súkkulaði er einkar viðeigandi á eftir svona sögum.....

Athugasemdir

[Guðrún (IP-tala skráð) 19.2.2008 kl. 19:52]

Yndislegar svona sögur. Búin að hlæja mikið yfir vídeótækinu. Og er manni hugsað til DVD tækis, hvernig ætli það taki við .?

[Þórdís Einarsdóttir, 19.2.2008 kl. 21:13]

Ylfa (með tækið hjá viðgerðarmanni): "gæti verið að það sé einhver skítur í videotækinu mínu, það virkar eitthvað svo illa?"

Mér þykir þessi saga alltaf jafn fyndin. 

Þ 

[Steinunn Helga Sigurðardóttir, 19.2.2008 kl. 21:17]

Bless í nóttina kæra frænka

steina 

[Ásdís Ránargötudrottning (IP-tala skráð) 20.2.2008 kl. 05:44]

Ég kíkji oft hér inn og skemmti mér við pistlana þína á löngum næturvöktum á Ldk. Endurtek það sem ég hef áður sagt: Strákarnir þínir eru yndislegir og það ert þú líka. Láttu þér líða vel, kveðja Ásdís

[Steingrímur Rúnar Guðmundsson, 20.2.2008 kl. 10:16]

ég heyrði skemmtilega sögu af videótæki þegar ég vann í raftækjaverslun einu sinni.
Það komu hugguleg hjón með videótæki í viðgerð. Svo þegar tækið var tilbúið vildu þau vita hvað var að tækinu. Þeim var tilkynnt að aðskotahlutur hefði verið fastur í tækinu. Þau vildu vita hvað það hefði verið. En eitthvað var afgreiðslumaðurinn sem afgreiddi á verkstæðinu vandræðalegur, og vildi helst segja bara pass og roðnaði. Þegar þau ýttu nú frekar á dreng kom í ljós að það var smokkur fastur í tækinu. Kannski betra að taka til eftir sig áður en börnin fara á stjá.

Hlæ ennþá að konunni sem kom líka með fjarstýringuna af videóinu sínu og spurði hvar ætti að hækka í vídeóinu.

Eða manninum sem gat ekki notað 900 snúningaþvottavélina sína, því hún truflaði hann þegar hann væri að hugsa. Og var búinn að reikna það út að hann þurfti 1200 snúninga.

[Bjarnveig (IP-tala skráð) 20.2.2008 kl. 18:06]

hahaha ég er sko búin að segja rosalega mörgum vídeókúkasöguna, var það ekki Palli sem fékk að moka kúknum út næst þegar hann kom í heimsókn það var einsog mig minni það, þ.e hann vissi ekki að það væri kúkur fyrr en hann byrjaði að moka.