Reykur á vatni

Börnin mín spila allan liðlangan daginn á gítar. Alltaf sama lagið. Smoke on the water. Sem er í sjálfu sér frábært lag en meeeeeen hvað ég er orðin þreytt á því.. Björgúlfur bregður stundum útaf vananum og spilar Fjöllin hafa vakað í þúsund ár og Halli spilar ALLTAF Róbert bangsi. Núna er Birnir einmitt að spila á gítarinn sinn og lagið er auðvitað: smoke on the water....

Nú er blessaður friður í húsinu, enda sefur eyrnabólgusjúklingurinn vært. Hann hefur haldið mér uppi á teiknimyndum í morgun og í hvert skipti sem ég lokaði augunum og var um það bil að renna í brjóst, gólaði hann: mamma, vittu hovvra með mér! Etti sofa! Svo að nú langar mig mest til að leggjast uppí hjá honum og steinsofa þangað til bóndinn kemur heim. En hundahárin liggja eins og lopi á gólfunum og þvottur í hrúgum um allt hús. Drasl og ryk hvar sem á er litið.... úff. Best að skríða bara uppí rúm og horfa á Despó eða eitthvað......

Athugasemdir

[Gló Magnaða, 22.2.2008 kl. 16:15]

Var ekki Bubbi (með bandið sitt) að kenna öllum púkum landsins þetta lag?

Ég heyrði það.........

[Steinunn Helga Sigurðardóttir, 23.2.2008 kl. 13:55]

gangi þér vel að taka til !!! ég er að passa barnabörnin sem eru að teikna hérna við eldúsborðið, vorum líka að koma út göngutúr með lappa, sól er einni í stofu að esa, ætla núna að sópa !!

knús og bless í bili elsku frænka

steina 

[Katrín Dröfn (IP-tala skráð) 23.2.2008 kl. 15:34]

úfff ég kannast við þetta smoke on the water æði, Jón Elí spilar það í gríð og erg - og finnst hann vera flottasti rokkarinn í bænum. - bara flottir þessir strákar

knús í bæinn og vona að Baldur hressist fljótt

Katrín  

[Berglind (IP-tala skráð) 23.2.2008 kl. 19:59]

Ég skora á Björgúlf að viðurkenna fyrir föður sínum að hann spili Bubba!!! Reyndar játaði ég nú fyrir mínum ástkæra að ég hefði dansað af mér beinaberan afturendann við téð Bubba-lag á balli um daginn. Við erum ekki skilin enn... þannig að Björgúlfur, nú er bara að koma út úr gítarskápnum

[Þórdís Einarsdóttir, 23.2.2008 kl. 21:04]

Ég sárvorkenni þér, Bubbi er á bannlista í mínum húsum og Smoke on the water er bara undið og snúið. Samt skárra en Stairway to heaven...!

Þ 

[Krissa (IP-tala skráð) 24.2.2008 kl. 00:01]

Kannast við þetta- "ekki sofna mamma" Þetta er reyndar eitt af því sem ég hef aldrei skilið. Hvaða máli skiptir það þegar maður drattast fram með skaranum ólöglega snemma um helgar að maður megi ekki undir nokkrum kringumstæðum loka augunum. Nei nei, alveg bannað. Þá er Pósturinn Páll ekki nærri eins skemmtilegur...

Annars mjög merkilegt!

Kveðja Krissa

[Helga skjol, 24.2.2008 kl. 08:24]

Klárir krakkar sem þú átt,vonandi fer eyrnabólgusjúklingurinn að jafna sig,ég á einn svona líka og þar ekki ekki séð fyrir endan á hans eyrnaveseni ennþá og hann orðinn 10 ára,gangi þér vel.

knús.