Drekkur sullurinn rauðvín?

Það var og.

Þegar ég hef fengið það rækilega staðfest að mín vesæla melting þoli ekki áfengi þá vinn ég rauðvínspottinn í vinnunni. Djöfull er það dæmigert. Tvennt er í stöðunni: drekka helv.. glundrið og gá hvort sullurinn verði ekki of fullur til að naga á mér magann eða gerast sprúttsali. (feministar! Útleggst það ekki sem "sprúttselja?" )

Ég er að verða ágæt alveg. Hætt að sofa allan sólarhringinn og farin að vera í stuði. Fór í ferlega skemmtilegt smáferðalag með manninum mínum, barnsföður mínum, konu barnsföður míns og öllum okkar börnum, -nema þessu eina sem við eigum öll fjögur saman...  Við fórum í Önundarfjörð og lágum í sólbaði á hvítu ströndinni, ókum svo í Dýrafjörðinn og fundum okkur stað til að borða nesti á og sólbrenna dálítið og enduðum svo í sveitinni hjá Öllu í snöggum kaffisopa og hvolpakúri.

Best að fara að sinna sullinum. Heilsur.

Athugasemdir

[RauðvínsdrykkjukonaáÍsafirði (IP-tala skráð) 10.7.2008 kl. 23:20]

Alveg eftir þér að vera með líkamlegt ofnæmi fyrir áfengi. heitir þetta ekki alkahólismi ? Eins og þú drekkur nú mikið og oft ha ha. Seldu það , helst prestinum, sem messuvín.

Bestu kveðjur frá höfuðstað Vestfjarða.

[Ragnheiður Ása Ingvarsdóttir, 11.7.2008 kl. 00:16]

Þú gætir nú boðið góðum grönnum í smá rauðvínsglas eða velkælt hvítvín svona við tækifæri

[Steinunn Helga Sigurðardóttir, 11.7.2008 kl. 07:40]

er þetta ekki bara allt í lagi, þú drekkur heldur aldrei.

gott að heyra að ú ert að lagst

knús frá lejre

steina 

[Matthildur Ágústa Helgadóttir Jónudóttir, 11.7.2008 kl. 11:01]

Ylfa mín ég þekki nokkrar góðar sem eru örugglega til í að hjálpa þér með rauðvínspottinn. Hafðu það sem allra best og sullaðu sullinu í þig og sullinn.

[Hjördís Þráinsdóttir, 11.7.2008 kl. 11:12]

Þú getur skipt þessu í ríkinu og fengið Jägermeister í staðinn, en hann ku vera allra magameina bót.

[Fríða Birna (IP-tala skráð) 11.7.2008 kl. 13:26]

Jæja núna dríf ég mig nú í heimsókn til þín,,,verður ekki eitthver að gera þessu rauðvíni skil.Við erum komin aftur í víkina en þú hefðir nú bara getað kíkt í kaffi með alla hersinguna þína til okkar í sumarbústaðinn í Valþjófsdal.Við getum nú síðan skálað fyrir bata þínum,,SKÁL