Til hamingju með sjö milljóna króna viðsnúninginn, Bolvíkingar!!

Viðsnúningur í rekstri bæjarsjóð Bolungarvíkur upp á 300 milljónir króna?

 Það er mikill munur á að lesa ársreikning Bæjarsjóðs Bolungarvíkur milli áranna 2008 og 2009, alveg himinn og haf þar á milli. Maður fyllist hreinlega þakklæti yfir þeim góðu hlutum sem sitjandi meirihluti hefur áorkað eftir „björgunina“ sem mér, og líklega ykkur hinum, er í svo fersku minni. 

Sumir  vildu kalla þetta valdarán, en eftir að hafa lesið viðtal við Elías Jónatansson bæjarstjóra í BB á dögunum, ættu þeir að skammast sín og hlaupa upp um háls honum (og sjálfstæðismanna, A listamanna, Óháðra og hvað þeir nú allir heita þarna á listanum sem býður fram undir bókstafnum D) af tómu þakklæti fyrir að hafa lyft viðlíka grettistaki í bolvískum fjármálum.

Árið 2008 var niðurstaða ársreiknings rúmlega 116 milljónir króna í mínus en ársreikningur ársins 2009 er í plús upp á 179 milljónir króna.  Það er ekki von að bæjarstjórinn okkar ráði sér ekki fyrir kæti og þessu sé flaggað í óháða fjölmiðli okkar Vestfirðinga,  BB! Til hamingju við.  Viðsnúningur upp á rúmar 300 milljónir segir hann.  Og við segjum; Jei!   (reyndar reiknast mér til að hann sé upp á 295.688.000,- krónur sem gerir það tæpar 300 millur, -ekki rúmar 300 millur, en það er nú samt alveg rosalega gott. )

Auðvitað vill hann þakka þessum viðsnúningi þess að Sjálfstæðismenn í umboði A- listans sáluga, gripu í taumana á vormánuðum 2008 og hentu út sökudólgnum sem öllu var búinn að snúa á hvolf hérna í Víkinni.  En ekki hvað?

Og þó?  Vill maður kannski fyrst spyrja einhverra gagnrýninna spurninga? Viljum við rýna dýpra í málin?  Ég vildi það.  Og útkoman var þannig að ég tel mér skylt að deila henni með ykkur.

Ekki svo að maður eigi að vera að rifja upp gamlar tölur, maður á auðvitað ekki að dvelja við fortíðina, en stundum er það nauðsynlegt til að sjá hlutina í réttu samhengi.                                

Þegar sjálfstæðismenn skiluðu bæjarsjóði til nýs meirihluta árið 2006 þá skiluðu þeir ársreikningi upp á mínus 68.635.000 krónur sem framreiknast líklega eitthvað upp á rúmar 90 milljónir  ef væri það framreiknað til jafns við ársreikninginn 2008. Ennþá var félagsheimilið fræga samt við hrun og sundlaugargarðurinn álíka aðlaðandi og síberísk freðmýri. Samt var rekstarhalli? Og hann alveg þokkalegur.  Rekstrarhalli er því augljóslega vel mögulegur án nokkurra sýnilegra framkvæmda..... Það sýndu Sjálfstæðismenn okkur eftir 60 ára sögu þeirra í óslitnum meirihluta

.En hver er skýringin á þessum viðsnúningi ef rýnt er í ársreikning? 

Fyrsta skal telja aukningu á útsvari upp á 83 milljónir, (hver greiðir það?  bormenn og bolvíkingar sem eiga eftir að fá reikninginn núna 1. ágúst nk.) Aukning á fasteignaskatti upp á rúmar 11 m.kr. Óreglulegar tekjur (aðkoma ríkisins vegna samnings við eftirlitsnefndina)  163 m.kr. Að vísu lækkar framlag jöfnunarsjóðs upp á 17 m. kr. Þetta er tekjuaukning inn upp á 240 m. Kr.Fjármangsgjöld lækka milli ára upp á 48 m.kr.  (lækkun vísitölu og niðurfellinga skulda. (aðgerð ríkisins)  Og þá er komin skýringin á viðsnúningi upp á 288 m. kr.

Eftir standa því sjö millur sem sitjandi meirihluti getur hreykt sér af. Vaaaaandræðaleg stjórnarskipti færðu okkur sjö millur.

Til hamingju með 7 milljóna króna viðsnúninginn, sitjandi meirihluti!

Við getum skoðað þetta áfram.....

Sparnaðurinn af afar sársaukafullum uppsögnum bæjarstarfsmanna á síðasta ári eru smáaurar! Launakostnaðurinn lækkaði um 6 milljónir.

Tekjur hafnarsjóðs hækka milli ára um 13 m.kr. það mætti ætla að aðgerð ríkisstjórnarinnar vegna strandveiðanna hafi skilað Bolungarvíkurhöfn dágóðum tekjum?  Lífeyrisskuldbindingar lækka um 9 m.kr og inn í rekstur síðast liðins árs komu rúmar 15 milljónir frá þrotabúi EG.

Niðurstaðan er sú að viðsnúningurinn er tilkomin vegna inngripa Ríkisins sem þegar  var farið að vinna að, við meirihlutaskipti árið 2008, og eftirlitsnefndin bauð sér sjálf velkomna inn í bæjarkassann þökk sé styrkri stjórn sjálfstæðisflokksins í 60 ár hér í Bolungarvík.  Ef einhver hefur komið auga á augljós björgunarafrek AD listans  í ársreikningi Bæjarsjóðs Bolungarvikur í gjörningunum vorið 2008? - sá hinn sami gefi sig þá fram.

 

 

 

Athugasemdir

[Hulda Hákonardóttir (IP-tala skráð) 25.5.2010 kl. 15:19]

Áfram Ylfa! Svona á að vinna vinnuna sína. Láta ekki vanhæft lið komast upp með að ljúga, svíkja og pretta.

Áfram Ylfa!

[Ylfa Mist Helgadóttir, 25.5.2010 kl. 16:36]

Hulda mín, maður neyðist til þess. Ég vil nú kannski ekki segja að fólk Ljúgi, Svíki og Pretti. Ekki vísvitandi a.m.k. Hver og einn sér sinn sannleika, það er svo annar handleggur. Og þó að SjálfstæðisAlistióháðra í bænum sjái sig sem bjargvætt mikin, erum við einhver sem lítum öðruvísi á málin. En maður kemst ekki að sjálfstæðri niðurstöðu nema vinna heimavinnuna sína. :)

Ergo: lærðu lexíurnar þínar! (og láttu freyða!!)

Luvja, Ylfasín.

[Gestur þorláksson (IP-tala skráð) 25.5.2010 kl. 23:41]

MJÖG GÓÐ GREIN HJÁ ÞÉR HALTU ÁFRAM AÐ VERA MÁLSVARI SANNLEIKANS. GÓÐAR KVEÐJUR FRÁ MER TIL YKKAR Á BOLUNGARVÍK.

[Anna Gunnarsdóttir (IP-tala skráð) 26.5.2010 kl. 01:17]

Virkilega góð grein hjá þér. Ég er sjálf gamall vestfirðingur og hef fylgst með þessum gjörningatíma hjá ykkur í Bolungarvík þar sem ég á ættir mínar þangað að rekja. Ég er viss um að þitt fólk nær meiri hluta. Annað væri eitthvað skrítið.Mig langar líka að þakka þér fyrir það sem þú skrifaðir um að af-fatla umhverfið. Mjög heilbrigð og rétt sýn á þessi málefni.