Stóri dagurinn!

Fyrsti skóladagurinn í Bolungarvík. Og fyrsti skóladagurinn hans Birnis. Sjá þetta litla kríli þegar risastór taskan var komin á bakið! Tíminn líður alltof hratt fyrir minn smekk.

 

Baldur Hrafn er búinn að fá leikskólapláss og má byrja í dag í aðlögun. Hann er auðvitað búinn að vera á þessum leikskóla í meira en ár, en af því að "fríið" var þetta langt þá verður þetta svona. Hann er líka að byrja á Kisudeild, sem er fyrir eldri börnin. Hugsa sér! Hann sem er bara nýfæddur! Svo á hann að vera allan daginn, en hafði bara verið hálfan daginn áður.

Annars fórum við í berjamó í gær. Það var bara brjálæði, ég hef aldrei séð svona magn af berjum eins og nú er! Börnin voru fljót að þreytast enda hvarf sólin og það hvessti fljótlega og þeim varð kalt. Við náðum því bara að tína 4 kg af aðalbláberjum. Ég er að hugsa um að skreppa aftur í dag þegar Baldur fer á leikskólann.

 

Athugasemdir

[Þórdís Einarsdóttir, 27.8.2007 kl. 15:00]

BARA 4 kg???

Mér finnst það nú  nokkuð gott.

ÞE 

[Steinunn Helga Sigurðardóttir, 27.8.2007 kl. 15:55]

voðalega er hann sætur á myndinni !

svo spenntur !

knús

Ljós til ykkar

steina frænka