Ylfa Mist Helgadóttir

29.10.2008 | 11:41

Saga af Frú Heppin

Frú Heppin fór út að ganga í fyrrakvöld ásamt tíkinni sinni. Frú Heppin fór í langa, langa göngu og kom við hjá vinkonu á leiðinni heim. Frú Heppin var ánægð með sjálfa sig, veðrið og allt saman. Því næst datt Frú Heppin kylliflöt, aftur fyrir sig, beint á bakið! Frú Heppin lagðist í rúmið og bruddi verkjartöflur. En síðan fór Frú Heppin í sund í gærkvöldi, lá í pottinum og gerði æfingar í lauginni. Frú Heppin er því miklu skárri í dag. Frú Heppin er því eftir allt saman afar heppin.

Móðir Frú Heppin er flutt inn tímabundið. Móðirin bíður eftir dvalarheimilisplássi og ætlar að vera hjá dóttur sinni, Frú Heppin, þangað til. Frú Heppin og Herra Heppinn verða því að klára kjallaraherbergi elsta sonarins snarlega svo hann geti flutt niður og látið ömmu sinni eftir hornherbergið. Heppni að amma skyldi koma, þá fær unglingurinn loksins kjallaraherbergið sitt. Frú Heppin og fjölskylda hennar eru því heppin eftir allt saman.

Flokkur: Bloggar | Facebook

Athugasemdir

Sæl kæra Frú Heppin. Þú ert nú alveg yndisleg elsku Ylfa mín ég sest reglulega við tölvuna og brosi eða hreinlega hlæ upphátt hérna ein með sjálfri mér að skemmta mér yfir blogginu þínu. Láttu þér batna í bakinu. kveðja Ragnhildur

Ragnhildur (IP-tala skráð) 29.10.2008 kl. 11:57

... Sæl Dallas frú. Hef ótrúlega gaman , að lesa bloggið þitt, en nú varð ég að kvitta fyrir........ Þú ert góður penni, og ekki skemmir SKOPIÐ þitt fyrir. Knús á þig og þína.