and then he kissed me...

S.l. laugardag, þá ég var einu sinni sem oftar stödd í Íþróttahúsinu, vatt sér að mér maður, myndarlegur og hýr á brá og kyssti mig innilega á vangann. Ég uppveðraðist öll, enda orðið nokkuð síðan ég varð þeirrar gæfu aðnjótandi að vera kysst óforvarendis af öðrum körlum en mínum eigin!

Síðan þá, hefur koss þessi brunnið á vanganum og hugrenningar þotið í gegnum höfuðið... "hver er hann,? hvað vildi hann,? hvers vegna, ? hvað meinti hann, ? skyldi hann líka kyssa mig næst þegar við hittumst?"

Ég hef misst úr svefn yfir þessu dularfulla kossamáli. Hef ekki verið mönnum sinnandi vegna óra minna um þetta dularfulla atvik....

Í gær blasti svo við mér hinn nöturlegi raunveruleiki. Staðreyndin sem ekki var unnt að horfa framhjá. Ég opnaði bb.is og þar blasti við, efst á síðunni, riiiisastór banner. Hann útskýrði allt.

Ég er lögst í rúmið með hita, höfuðverk og beinverki...held það sé ástarsorg...... ég veit ekki hvort ég lít framar glaðan dag.

Vangar mínir sem eitt sinn voru kysstir af gráðugum vörum ástsjúkra manna, eru nú teknir í skiptum fyrir mögulegt atkvæði........

Athugasemdir

[Aprílrós, 11.3.2009 kl. 15:34]

Eigðu ljúfan dag mín elskuleg ;)

[Finnur Bárðarson, 11.3.2009 kl. 15:35]

Hver er þessi bb kvennabósi ?

[Finnur Bárðarson, 11.3.2009 kl. 15:37]

Já nú skil ég veikindi þín fullkomlega :)

[Matthildur Ágústa Helgadóttir Jónudóttir, 11.3.2009 kl. 16:25]

hahaha þú ert algjörlega frábær Ylfa mín.

[ísafjarðarvinkona (IP-tala skráð) 11.3.2009 kl. 17:08]

Margar sögur til af frægum kossum. Þín saga þyrfti að komast í bók.  Frægasti kossinn er líklega Júdasarkossinn.

[Sigga Lára (IP-tala skráð) 11.3.2009 kl. 17:38]

Vona að þú hafir ekki smitast af Sjálfstæðismennsku.

Hún ku aðallega lýsa sér í óráðsíu.

[Nikólína (IP-tala skráð) 12.3.2009 kl. 22:51]

Já og siðblindu á háu stígi, aumingja þú

[Ylfa Mist Helgadóttir, 13.3.2009 kl. 01:17]

Engin hætta á smiti af neinu tagi, enda maðurinn myndarlegi menntaður í heilbrigði og að auki hreystin uppmáluð!

Stjórnmálaskoðanir smitast illa. Sjáið til, ég er alin upp í andnauðar-bláu umhverfi en er samt ekki vitund smituð af íhaldinu :) Ég hef komið mér upp svo góðu mótefni, býst ég við...