We will vock you...

syngur Baldur Hrafn hinn þriggja vetra. Ég má líklega þakka fyrir að hann notar ekki F í staðinn fyrir V!

Annars er fátt að frétta fyrir utan það að eftir því sem ég best veit verðum við með ellefu menn og einnig fé... flestir af þeim eru hálfvitar, og að auki ljótir.

En semsagt, Ljótu Hálfvitarnir ætla að koma og spila hér á Laugardagskvöldið. Í Edinborgarhúsinu á Ísafirði. Mér skilst að þeir gisti hér. Það er fínt. Aldrei nóg af karlmönnum fyrir mig! Verst að mér skilst að einhverjir komi með konurnar sínar með. Það finnst mér nú algjör óþarfi.

Ég ætla að steikja glænýja rauðsprettu í raspi og eta hana með súrdeigsrúgbrauði, kartöflum og vel af remoulade! Aldrei að vita nema strákarnir og Halli fái eitthvað.

Gleðilegan kvöldmat.

Athugasemdir

[Steinunn Helga Sigurðardóttir, 19.7.2007 kl. 20:12]

nammmmmmm

ljós og knús frænka

s 

[Hulda Hákonardóttir (IP-tala skráð) 20.7.2007 kl. 12:32]

Eins gott að drengurinn er ekki með þýskan framburð;D

[Laufey B Waage, 20.7.2007 kl. 13:35]

Þú verður örugglega ekki svikin af Ljótu hálfvitunum (með Dalvískum framburði). Ég fór á tónleika með þeim nýlega og skemmti mér konunglega. En ég kalla þig góða ef þú getur sungið með þeim. Ég veit þú ert með betri söngkonum, en textasnillingurinn ég kunni varla nokkurn einasta af textunum þeirra. 

[Ylfa Mist Helgadóttir, 20.7.2007 kl. 16:07]

Ég hef margra ára forskot Laufey mín. Ég hef verið í leikfélagi með þessum drengjum í hundrað ár og þekki því flesta þessa texta. Og þeir eru frá Húsavík ;) Eins og Halli.

En nei, á ekki von á að verða svikin :)