einn og fimmtíu á kant.

Birnir Spiderljón Ringsted er afar lítill eftir aldri, grannvaxinn og undurfagur eins og blómálfur. Með heljarstór gráblá augu og augnhár sem væri hægt að festa undir götusóparabílinn með þeim afleiðingum að göturnar yrðu tandurhreinar. Hann er óttalegt strá, þessi elska en hann kann vel að svara skilmerkilega og á skeleggan hátt ef því er að skipta.

Eins og ég hef stundum sagt þá er ég svona sirka einn og fimmtíu á kant. En það er svosem allt í lagi og hér í Bolungarvík á ég margar "sisters in the FLESH." Eitthvað voru börnin í öðrum bekk grunnskólans að ræða mæður sínar blessaðar og ein bekkjasystir Birnis heyrist segja:

Mamma mín er alveg svooooona stór! (hún býr til ímyndaðan stóóóran framhluta á sinn litla búk með höndunum)

Iss! svarar litla prikið mitt. Mamma mín nær nú alveg útí næsta vegg!!!!

Góða helgi!

 

Athugasemdir

[Guðmunda (IP-tala skráð) 26.9.2008 kl. 19:36]

það er munur að vera sexy mama

[Steinunn Helga Sigurðardóttir, 26.9.2008 kl. 20:48]

hehehe

knús elskan mín og góða helgi

steina

[Ísafjarðarvinkona (IP-tala skráð) 26.9.2008 kl. 22:16]

Æ hvað þetta var sætt.

Yndisleg þessi börn og oft óþægilega hreinskilin

Viggó biður að heilsa

[Gló Magnaða, 27.9.2008 kl. 00:15]

Big Mama!!

[Þórdís Einarsdóttir, 27.9.2008 kl. 09:56]

Æhh... hann er svo sætur litla fisið þitt.